A corresponsabilidade
defínese como a distribución equilibrada, equitativa e funcional da
planificación, a organización e a realización das tarefas domésticas, do
coidado de menores e de persoas dependentes, dos espazos de educación e do
traballo remunerado.
No ámbito empresarial ou
organizacional o concepto persegue que mulleres e homes teñan as mesmas
oportunidades, dereitos e obrigacións, tanto no traballo como na casa (tarefas
domésticas e coidado dos nenos, enfermos e anciáns a cargo). Deste xeito, a
corresponsabilidade resulta unha aposta firme á conciliación laboral. Cada
empresa, de acordo con o seu perfil, cantidade de empregados e obxectivos
económicos, conta con diversas estratexias tendentes a que os seus empregados
poidan harmonizar o crecemento profesional coa súa vida persoal. É o que se
coñece como work life balance. Algúns exemplos son: xornadas laborais de
horarios flexibles, traballos por obxectivos que non requiren dun cúmulo de
horas senón de resultados, baixas por maternidade/paternidade estendidas,
posibilidade de facer teletraballo (sen que iso estanque a promoción do
empregado) e unha maior promoción das mulleres a postos de decisión.
Desde a Fundación Galicia Innova
considérase imprescindible comprometer ao sector empresarial como factor de
cambio que garanta a igualdade de oportunidades entre homes e mulleres. Para
iso, o primeiro paso debe pasar por dispoñer dunha análise da situación de
partida das empresas situadas no marco do termo municipal da Coruña en relación
á súa situación de corresponsabilidade. O coñecemento da realidade concreta de
cada concello no seu contexto territorial orienta a planificación municipal
para incidir na mellora da corresponsabilidade en toda a cidade da Coruña.
O obxecto do presente
proxecto e o de elaborar unha ferramenta de autodiagnóstico en
corresponsabilidade que permita ás empresas coruñesas e ao propio Concello da
Coruña dispoñer de información en relación ao estado de corresponsabilidade
empresarial do Concello, como punto de partida para levar a cabo a toma de
decisións. Para isto estase a deseñar e desenvolver unha ferramenta, que de
maneira clara e concisa e por medio dunha serie de cuestións pechadas, permitirá
ás empresas obter unha “puntuación” ou rango para valorar a súa situación
respecto a corresponsabilidade e accións que poden levar a cabo para mellorar
nesta materia. Esta ferramenta será difundida no marco do proxecto en un acto
online de difusión e sensibilización ante as principais organizacións
englobadas no termo municipal, valendo a mesma para obter un diagnóstico de
situación actual e ao Concello da Coruña, coa recompilación da información de
todas as empresas que o cubran, e así dispoñer dunha análise empresarial de corresponsabilidade
a nivel municipal.
No hay comentarios:
Publicar un comentario