O obxecto do
presente proxecto é o de apoiar a construción e posta en funcionamento do
Centro de Formación e Innovación Tecnolóxica CEFOIT , que ten como finalidade o
desenvolvemento das capacidades técnicas de produtoras e produtores, xoves e adultos
do Val de San Lorenzo para a xestión sostible dos bosques secos, emprendementos
pecuarios e mellora dos sistemas de produción agrícola mediante o
desenvolvemento de investimentos relacionados coa construción e dotación do
centro. O fin último do proxecto pasa por contribuír a un desenvolvemento rural
inclusivo, solidario e sostible que mellore as condicións de vida das
comunidades do Val de San Lorenzo, con especial atención á situación de
vulnerabilidade das mulleres, mediante o fortalecemento das comunidades de
bosque e as organizacións locais de desenvolvemento e o fomento de
emprendementos de alto valor agregado a través da construción e posta en marcha
dun centro de referencia na rexión para a capacitación das comunidades en innovación
tecnolóxica produtiva agropecuaria e forestal . A través da execución do
presente proxecto preténdese fortalecer a un total de 14 comunidades de bosque
situadas non val de San Lorenzo, composto polos distritos de Tambogrande e As
Lomas para facer fronte á crise socioeconómica que atravesa tanto a rexión como
o país e que se viu agravada pola pandemia xerada polo virus SARS CoV-2 no
mundo.
O CEFOIT, e
concibido como un Centro de capacitación gratuíto para a formación de
produtores e produtoras con certificación técnica que permita o melloramento
das actividades agrícolas, gandeiras e de transformación forestal. O Val de San
Lorenzo require de capacidades técnicas porque e un dos maiores produtores de
mango, limón, palta, cacao, banano e hortalizas; tamén, e un val con crianza de
porcinos, vacúns, caprinos, ovinos, cuies e aves a nivel rexional. Para o seu
sostemento o CEFOIT complementa as súas actividades formativas gratuítas con
servicios a terceiros. CEFOIT instalarase no val de San Lorenzo como ofertante
de servizos de capacitación e asesoría técnica con innovación tecnolóxica para
empresas e cooperativas agrarias e xestionará convenios con entidades da
administración pública. CEFOIT pretende ser un actor principal no
desenvolvemento local, xestionando e xerando recursos para a súa sostibilidade
que lle permita atender as demandas formativas de produtoras e produtores
vulnerables. Os investimentos enfocados á consecución do resultado 1 do
proxecto están dirixidas á construción do Centro de Formación e Innovación
Tecnolóxica en adiante CEFOIT, incluíndo a adquisición de materiais e
subcontratacións para a construción do Centro. No marco do segundo resultado
estaría a dotación equipamento básico do centro para o desenvolvemento das
accións posteriores de capacitación e xestión do centro, que inclúe mesas,
cadeiras, pizarra, impresora, televisor, sofá e placa do Centro, na que reflectirase
a financiación da Deputación da Coruña, conforme os requisitos establecidos nas
bases das axudas.
- Directa: 845 habitantes
das 9 Asociacións de Mulleres e das 11 organizacións de produtores das 14
comunidades
- Indirecta: 82.298
habitantes entre 18 e 59 anos (50% mulleres) en idade de traballar
habitantes das comunidades próximas Aprox
No hay comentarios:
Publicar un comentario